Big Day

終於終於...來到這一天...

真的像夢一場...一整天都不知自己做了什麼...

一切都有專業化妝師 攝影師 MC 安排好

感激每一個你你你你⋯⋯

台上時間有限，未能一一道謝！籌備左年幾既人生大事，轉眼已順利完成！實在太多太多既感恩！每一團隊都非常出色！其實望落好似整左好多野⋯但對比其他準新娘⋯我可以算係懶既一個！又或者話好幸運地⋯一揀即喜歡！

感謝專業的攝影團隊--Vincent Team!早早係fb有睇過佢既SDE...然後郭生去飲時佢同事都係用佢地，睇完片郭生大愛⋯所以順理成章我地都係揀左佢！大愛條片，得閒就忍唔住要重溫一下！

感謝我既化妝師Koey!網上睇完一堆資料後就覺得係佢喇⋯⋯不過Book試妝都要等幾個月⋯等既過程有人叫我應試多幾個比較⋯但對佢就係情有獨鍾！試妝試到一半時已決定要Book佢！大婚當日真係好幫到手！轉妝轉髮型換衫戴金器都好快手！

感謝婚禮怖置既Mandy!好大膽地係未見過面未傾過設計既時候我已落訂！當開過會後真係覺得佢比到好大信心我地，所以由原本最初只打算整backdrop即轉join package...全場交晒比佢！當日外影完回到酒樓已全部整好！估唔到係⋯佢見到物資袋裡有Vows Book...幫我安放好係證婚檯到！

感謝我既高大MC!實在好鍾意佢把磁性既聲音！亦係係未見面時已落訂book佢！當晚真係完完全全放心交晒比佢去安排！辛苦佢做埋拎手袋⋯手機攝影師！

感謝天澄閣當晚上上下下員工⋯特別係Apple總係不厭其煩答我地好多問題！當晚Amy都好細心⋯一有時間就準備水比我地飲⋯又幫我地安排好晒下一步要做咩

服裝方面⋯無論男裝女裝媽媽衫⋯好神奇地全部又係一試即滿意即Join!
多謝Carol BB介紹比我既婚紗鋪⋯Ice真係好好！可以任試任轉款！
多謝Christy BB....好多媽媽鍾意既中式款！拎左好多款比媽媽揀，又襯埋披肩！

多謝每一位賓客黎見證我同郭生踏入人生新一頁！我知地理位置方面比較難搵⋯但估唔到星期三好多人要返工既平日⋯居然八點已有八成入座率⋯!

多謝一班兄弟姊妹！多謝做我地花車司機既恆！每一個都非常自動波，又做得好好！完全無野要我同郭生去搞！好多野都比我地快一步安排好完成好！

感恩當日好天氣！搭緊車去外影時有雨粉⋯但當一落車時即天晴！感謝兄弟姊妹係咁熱天氣下，一Take過影好晒靚靚外影照！

最後最後⋯多謝我老公郭生！係呢十年裡⋯都好包容我照顧我⋯特別係我爸爸過身之後⋯佢係雙倍對我更包容更照顧⋯用行動黎比我睇佢連埋我爸爸果份黎寵愛我～

成個婚禮能夠順利完成，單靠一人之力絕不可能，多謝每一位來賓，每一團隊！